MƏXFİLİK SİYASƏTİ

“KIDFI” MMC tərəfindən

Bu Məxfilik Siyasəti Azərbaycan Respublikasının qanunvericiliyinə uyğun olaraq təsis edilmiş hüquqi şəxs olan “KIDFI” MMC-nin (bundan sonra “biz”) (1405934651, Bakı şəhəri, Nəsimi rayonu, Ə.Hüseynov küçəsi, 5/7, 454) və partynorlarının “KidFi” adlı mobil tətbiqdən (bundan sonra “xidmətlər”) istifadə etdiyiniz zaman istifadəçi məlumatının (bundan sonra “siz”) necə toplanması, istifadəsi və açıqlanması haqqında həyata keçirdiyi prosedur və siyasətlərini izah edir.

Qeydiyyat prosesi zamanı müvafiq yeri işarələməklə siz bu Məxfilik Siyasətinə razılıq vermiş olursunuz.

Sizin təhlükəsizliyiniz və məxfiliyiniz bizim üçün son dərəcə vacib olduğundan, biz məlumatların məxfiliyinin qorunması ilə bağlı Azərbaycan Respublikasında qüvvədə olan müvafiq qanunvericiliyə və Azərbaycan Respublikasının tərəfdar çıxdığı beynəlxalq müqavilələrə, o cümlədən “Fərdi Məlumatlar haqqında” Azərbaycan Respublikasının 11 may 2010-cu il tarixli, № 998-IIIQ Qanununa uyğun olaraq fəaliyyət göstəririk.

Nəzərə alın ki, İstifadəçi Qaydaları bu Məxfilik Siyasətinin ayrılmaz hissəsi hesab olunur və bu sənədlər birlikdə sizinlə bizim aramızda olan münasibətləri tənzimləyir.

ƏSAS ANLAYIŞLAR:

- Şəxsi məlumat – sizi birbaşa və ya dolayısı ilə müəyyən etməyə imkan verən hər hansı məlumat;
- Şəxsi məlumatın subyekti – haqqında şəxsi məlumatların toplandığı, işləndiyi və açıqlandığı istifadəçi;
- Uşaq/övlad – 18 yaşdan kiçik hər bir şəxs;
- Fərdi İdentifikasiya Nömrəsi (FİN) – şəxs barəsində müvafiq məlumatları müəyyən etməyə imkan verən vahid təkrarolunmaz kod;
- Şəxsi məlumatın toplanması – qanunvericiliyə uyğun olaraq subyekt haqqında fərdi məlumatların əldə edilməsi;
- Şəxsi məlumatın emalı – şəxsi məlumatlar üzərində aparılan yazılma, sistemləşdirilmə, yenilənmə, dəyişdirilmə, çıxarılma, anonimləşdirilmə, saxlanma, ötürülmə, məhv edilmə kimi əməliyyatlar;
- Şəxsi məlumatın açıqlanması – məlumatların qanunvericiliyə uyğun olaraq xidmət təminatçılarına və ya tərəfdaşlarımıza – üçüncü şəxslərə təqdim edilməsi.

BİZ KİMİK?

Bu Məxfilik Siyasətinə uyğun olaraq məlumatlarınız üçün məsuliyyət daşıyan şəxs (məlumat nəzarətçisi) Azərbaycan Respublikasının qanunvericiliyinə uyğun olaraq təsis edilmiş hüquqi şəxs olan “KIDFI” MMC-dir (1405934651, Bakı şəhəri, Nəsimi rayonu, Ə.Hüseynov küçəsi, 5/7, 454).

Biz məlumatlarınızı qeyri-qanuni girişdən, təsadüfən itirilməkdən, icazəsiz dəyişdirilməkdən və üçüncü şəxslərin digər qanunsuz hərəkətlərindən qorumaq üçün bütün zəruri təşkilati və texniki tədbirləri görəcəyik. Bu Məxfilik Siyasətində qeyd olunan hallarda, bizdən başqa bəzi üçüncü şəxslər məlumatlarınıza daxil ola bilər.

TƏRƏFİMİZDƏN TOPLANAN MƏLUMAT

Qeyd etmək lazımdır ki, xidmətlərimizi həyata keçirmək üçün biz siz və övlad (lar) ınız haqqında müəyyən məlumatları toplayırıq. Buraya daxildir:

- Sizin tərəfinizdən təqdim edilən məlumatlar – Qeydiyyatdan keçərkən və hesab yaradarkən siz bizə tam adınız, telefon nömrəniz, doğum tarixiniz, cinsiniz və promokodunuz (əgər varsa) kimi giriş məlumatlarını təqdim edirsiniz. Profil şəkliniz, yerləşdiyiniz yer və elektron ünvan kimi məlumatlarınızı profilinizə əlavə edə bilərsiniz. Maliyyə əməliyyatlarını həyata keçirmək üçün kart məlumatlarınız və rəqəmsal kart yaratmaq üçün, Fərdi İdentifikasiya Nömrəniz (FİN) kimi məlumatları bizə təqdim edirsiniz. Övlad (lar) ınızı əlavə edərkən siz bizimlə) o (lar) nun tam adı, doğum tarixi, cinsi, mükafat məbləği və promokod (əgər varsa), istəyə görə profil şəkli kimi məlumatları paylaşırsınız. Övlad (lar) ınız testlərdən keçərkən o, bizə suallara verdiyi cavabları təqdim edir. Müştəri dəstəyi komandamızla əlaqə saxladığınız halda, qarşılıqlı əlaqə zamanı bizimlə paylaşdığınız məlumatlar tərəfimizdən toplanır;
- İstifadə barədə məlumatlar – Xidmətlərimizdəki fəaliyyətiniz, istifadə etdiyiniz funksiyalar, onlardan necə istifadə etdiyiniz, məsələn, daxil olduğunuz tarix və vaxt, kliklər və sizə göstərilən səhifələr haqqında məlumatlar tərəfimizdən toplanır;
- Cihaz məlumatları – Cihaz ID və növü, IP ünvanı, saat qurşağı, əməliyyat sistemi kimi aparat və proqram təminatı məlumatları və cihaz(lar)ınızı unikal şəkildə müəyyən edə bilən, kukilər və ya digər texnologiyalarla əlaqəli və xidmətlərimizə daxil olmaq üçün istifadə etdiyiniz identifikatorlar da bizim tərəfimizdən toplana bilər;
- İcazənizlə əlavə məlumatlar – İstifadə etdiyiniz xidmətdən və cihazdan asılı olaraq, GPS, Blutuz və ya Wi-Fi bağlantıları vasitəsilə sizin razılığınızla dəqiq geolokasiyanızı əldə edə bilərik.

KUKİLƏR VƏ DİGƏR OXŞAR TEXNOLOGİYALAR

Seçimlərinizi saxlamaq, girişinizi daha rahat etmək, istifadəçi hesabı məlumatlarını yadda saxlamaq, çoxsaylı giriş ehtiyacını azaltmaq, xidmətlərimizi həyata keçirmək və xidmətdən necə və kimlər tərəfindən istifadə edildiyini bilmək məqsədilə siz və/və ya cihaz(lar)ınız haqqında məlumatların toplanması və istifadəsi üçün kukilərdən və oxşar texnologiyalardan istifadə edirik. Cihazınızın parametrlərindən kukiləri deaktiv etmək hüququnuz var, baxmayaraq ki, bu halda xidmətlərimizin bəzi funksiyaları düzgün işləməyə bilər.

MƏLUMATLARINIZI NƏ ÜÇÜN İSTİFADƏ EDİRİK?

Məlumatlarınızı toplamaq, istifadə etmək və açıqlamağımızın əsas səbəbləri aşağıdakılardır:

- Xidmətlərimizi inkişaf etdirmək, təkmilləşdirmək və çatdırmaq və sizə yeni KidFi xidmətləri təqdim etmək;
- Övlad (lar) ınızla əlaqə saxlamağınızı asanlaşdırmaq üçün sizə hesab yaratmaq və idarə etmək;
- Əməliyyatlarınızı həyata keçirmək;
- Hansı funksiyaları təkmilləşdirməli olduğumuzu anlamaq üçün tətbiqdə profilinizi, fəaliyyətinizi və seçimlərinizi təhlil etmək;
- Sizi müştəri dəstəyi xidməti ilə təmin etmək və sorğularınıza cavab vermək;
- Sizin üçün maraqlı ola biləcəyini düşündüyümüz məhsul və ya xidmətlər haqqında sizinlə əlaqə saxlamaq;
- Fırıldaqçılıq və ya digər qanunsuz və ya icazəsiz fəaliyyətlərin qarşısını almaq;
- Qanuni tələblərə əməl etmək və hüquq-mühafizə orqanlarına köməklik göstərmək.

MƏLUMATLARINIZI NECƏ PAYLAŞIRIQ?

Məlumatlarınız üçüncü şəxslərlə yalnız bu Məxfilik Siyasətində göstərilən qaydalara uyğun olaraq paylaşılacaq.

Biz xidmətlərimizi idarə etməyə və təkmilləşdirməyə kömək edən partnyorlarımız və xidmət təminatçıları ilə bəzi məlumatlarınızı paylaşırıq. Belə üçüncü şəxslər bizə müştəri xidməti, analitika, ödənişlərin emalı və təhlükəsizlik əməliyyatları da daxil olmaqla bir çox formada dəstək göstərir. Bütün partnyorlarımız və xidmət təminatçılarımız güclü məxfilik tələblərinə razı olmalıdırlar.

Qanuni olaraq zərurət yarandığı halda, müvafiq qanunlara və prosedurlara riayət etmək məqsədilə şirkət auditi kimi səbəblərə görə məlumatlarınızı digər şirkətlərlə də paylaşa bilərik.

Bu Məxfilik Siyasətinin məqsədləri üçün əsaslı surətdə zəruri olarsa, məlumatlarınızı şəxsi heyətimizə, qrupumuzun hər hansı üzvünə, təchizatçılara və ya subpodratçılara açıqlaya bilərik, bir şərtlə ki, onlar sizin məlumatlarınızdan müstəqil şəkildə istifadə etməsinlər və məlumatlarınızı qorumağa razılıq versinlər.

Aktivlərimizin hamısının və ya bir hissəsinin bizim tərəfimizdən satılması, birləşmə, alınma, bölünmə, ayrılma və ya transformasiya hallarında, aktivlərimizi satdığımız hər hansı üçüncü şəxs bu Məxfilik Siyasətindəki qaydalara uyğun olaraq məlumatlarınızı istifadə etməyə davam etmək hüququna malik olacaq.

HÜQUQLARINIZ

Məlumatlarınızı necə topladığımız, istifadə etdiyimiz və emal etdiyimizlə bağlı sizin aşağıdakı hüquqlarınız var:

1. Giriş və məlumatlarınızın nüsxəsini əldə etmək – İstənilən vaxt siz və ya övlad (lar) ınız haqqında bizdə olan məlumatların surətini əldə etmək və onun məzmunu ilə tanış olmaq üçün müraciət edə bilərsiniz;
2. Məlumatlarınızı düzəltmək və siz və ya övlad(lar)ınız haqqında məlumatların işlənməsinə etiraz etmək – Əgər siz və ya övlad(lar)ınız haqqında saxladığımız məlumatların qeyri-dəqiq və ya natamam olduğuna inanırsınızsa və ya əldə edildiyimiz səbəblərə görə onlardan artıq istifadə etmək hüququmuz yoxdursa və onların düzəldilməsini, silinməsini və ya emal edilməsinə etiraz etmək istəyirsinizsə, bizimlə əlaqə saxlaya bilərsiniz;
3. Məlumatlarınızı və mobil tətbiqi silmək – Siz istənilən vaxt hesabınızı birbaşa tətbiqdə silə və cihazınız üçün standart silmə prosesindən istifadə edərək tətbiqi silməklə tətbiq tərəfindən bütün məlumatların toplanmasını dayandıra bilərsiniz;
4. Müvafiq orqana şikayət etmək – Məlumatlarınızı toplamağımız və emal etməyimizlə bağlı hər hansı narahatlığınız varsa, info@kidfi.co vasitəsilə əlaqə saxlayaraq bizə bildirin. Bizimlə əlaqə saxladıqdan sonra hüquqlarınızın həyata keçirilmədiyini düşünürsünüzsə, müvafiq icra hakimiyyəti orqanına və ya məhkəməyə şikayət edə, sizə dəyən mənəvi və maddi zərərin ödənilməsini tələb edə bilərsiniz.

MƏLUMATLARINIZI NECƏ QORUYURUQ?

Biz siz və övlad(lar)ınız haqqında məlumatları icazəsiz girişdən, açıqlanmadan, dəyişdirilmədən və ya silinmədən qorumaq üçün tədbirlər görürük. Lakin biz onların təhlükəsizliyinə həmişə zəmanət verə bilmərik. Fiziki, texniki və təşkilati təhlükəsizlik tədbirlərimizi müasir formada saxlamaq üçün məlumat toplama, saxlama və emal prosedurlarımızı davamlı olaraq yoxlayırıq, eyni zamanda potensial zəifliklər və təhlükələrə qarşı sistemlərimizi nəzarət altında saxlayırıq. Hər hansı bir təhlükəsizlik pozuntusundan şübhələnsək və ya müəyyən etsək, xidmətlərimizin hamısından və ya bir hissəsindən istifadənizi dərhal dayandırmaq hüququmuz var.

Hesabınızın və ya məlumatlarınızın təhlükəsizliyinin pozulduğunu düşünürsünüzsə, info@kidfi.co vasitəsilə bizə bildirin.

MƏLUMATLARIN SAXLANMASI

Biz məlumatlarınızı sistemlərimizdə yalnız sizə xidmətlərimizi təqdim etmək vəzifəmizi yerinə yetirmək məqsədi ilə və ya bu Məxfilik Siyasətində başqa cür müəyyən edildiyi formada saxlayır və istifadə edirik. Məlumatlarınızı konkret məqsədlərə nail olmaq üçün lazım olandan artıq saxlamırıq. Hesabınızı sildiyiniz zaman və ya bir illik fəaliyyətsizlikdən sonra, qanuni tələblərə riayət etmək, qanuni tələblərə əməl etdiyimizi göstərmək, zəruri iddia və ya mübahisəni həll etmək və fırıldaqçılığın qarşısının alınması və istifadəçi təhlükəsizliyinin artırılması kimi qanuni biznes məqsədlərimiz üçün saxlamağa ehtiyac olmadığı halda, biz məlumatlarınızı silirik.

Unutmayın ki, sistemlərimiz yuxarıda qeyd olunan qaydalara əsasən məlumatlarınızı silmək üçün nəzərdə tutulmuş olsa da, texniki məhdudiyyətlər səbəbindən bütün məlumatların müəyyən vaxt ərzində silinəcəyinə zəmanət verə bilmirik.

UŞAQLARIN MƏXFİLİYİ

Valideynlər üçün xidmətlərimiz 18 yaş və ya daha yuxarı olan istifadəçilər üçün nəzərdə tutulub. Biz, valideyn(lər)in tətbiqimizdə övlad(lar)ı əlavə etmə prosesində təqdim etdiyi məlumatlar istisna olmaqla, 18 yaşından kiçik heç kimdən şəxsi məlumatları bilərəkdən toplamırıq. Uşaqların giriş məlumatları autentifikasiya xidmətlərimizdə saxlanılan ayrıca hesabları var.

MƏXFİLİK SİYASƏTİNƏ DƏYİŞİKLİKLƏR

Övlad(lar)ınızı daha effektiv şəkildə öyrətməyinizə köməklik etmək üçün zəruri gördüyümüz zaman cari Məxfilik Siyasətinə dəyişiklik etmək hüququnu özümüzdə saxlayırıq. Biz sizə hər hansı əhəmiyyətli dəyişikliklər barədə əvvəlcədən məlumat verəcəyik ki, onları vaxtında nəzərdən keçirə biləsiniz.

ƏLAQƏ

Bu Məxfilik Siyasəti və ya digər məxfilik məsələləri ilə bağlı hər hansı tövsiyə və ya sualınız olarsa, onları info@kidfi.co vasitəsilə bizə yönləndirə bilərsiniz.

“KIDFI” MMC

1405934651, Bakı şəhəri, Nəsimi rayonu, Ə.Hüseynov küçəsi, 5/7, 454

Son yenilənmə: Avqust 2022